As Guías electrónicas para a formación a distancia son unha aplicación de internet que sistematiza o proceso de ensino- aprendizaxe no bacharelato a distancia de Galicia.

O traballo organízase en doce unidades quincenais e cada unha contén os seguintes apartados:

• Axenda, que debes ler con atención, pois se indica paso a paso cada unha das tarefas.


• Obxectivos, que terás que acadar ao longo deses quince días.


• Documentos descargables: equivale aos tradicionais "apuntamentos" das materias.


• FAQ. As dúbidas máis frecuentes atópanse neste apartado. É útil que as consultes para resolver problemas, para ampliar a información e para coñecer as dificultades que lles xurdiron a outras persoas cando estudaron esa materia.


• Vídeos educativos: serán aqueles vídeos que che poden facilitar a comprensión de coñecementos puntuais.


• Exercicios autoavaliables (con solucións), onde poderás aplicar o que aprendiches a través do documento de contidos. É recomendable que mires as respostas propostas para corrixir erros e afianzar os coñecementos adquiridos. Atoparás, polo menos, dúas entregas: unha despois dos documentos descargables e outra, unha vez realizado o cuestionario.


• Exercicios para enviar á titoría. Aparecen dous por avaliación e son propostas de exercicios que corrixirá o teu profesorado.


• Cuestionario, onde poderás comprobar o grao de consecución dos obxectivos marcados para esa quincena.


• Resumos. Atoparalos ao finalizar cada quincena e axudaranche no último repaso.